 |
| Machu Picchu |
Machu Picchu hi hmanlai Inca hote khawpui a ni a, tlang chung/chhipa din a ni. A hnuai lam atang chuan khawpui hi hmuh theih a ni lo. He khawpui hi Urubamba phaikuamah a awm a, Andes tlang an tih, Peru a tlang hmingthang tak pakhat hualin a awm a ni. He lai phaikuam hi “Sacred Valley of the Incas” tiin an sawi thin.
A hnuaia Ads hi min lo click sak ve dawn nia. I vawikhat click te mai kha ka tan malsawmna a ni a; midangte tana malsawmna ni turin han click ve teh le. A harsa lo va, click zuai a, back leh nghal mai kha a ni.
 |
| Andes Tlang |
Machu Picchu tih hi Quenchua tawng a ni a, ‘Tlang upa tawh tak’ tihna mai a ni a. Inca awptu, Pachacuti Inca Yupanqui chuan kum 1460 leh 1470 inkar khan he khawpui hi a sa a ni. Tuipui zawl atanga teha meter 2,430 a sangah a awm a, sakhuana lam thil buaipui nan leh lal te khawsakna tura tih a ni.
 |
| Machu Picchu |
He khawpui hi tlang sang tak takin a hual vel a. A khawpui hi then hnihah an then a – ‘Urban Sector’ leh ‘Agricultural Sector’ tiin. Urban sector-ah chuan mi lianhote tuallenna tur tual zawl te, dawhsan lian leh zau tak leh, in 200 zet a ding a. Dawhsan hi a enna hmun atang chuan kalpawh theihna kawng te tak te te-in a pawh chuk a, in tam tak te chu chenna in atan te, chhek in atan te, sakhaw biakbuk leh vantlang in atan te buatsaih a ni.
Machu Picchu ah hian mi 1,200 dawn an cheng thin a. A mi cheng tam zawk te hi hmeichhia, naupang leh puithiam te an ni a. Inca awptu ber leh a chhungte chu dan tlangpuiin kar emaw a thla emaw chauh chhung an khawsa zawk chauh thin a. A hluna khawsa zawk tak chu Inca lal/awptu chhiahhlawhte an ni. A mipuite zingah chuan kutthemthiam leh thir dengtu tlem an khawsa ve bawk. He khawpuia chengte hna ber chu thlai, buh leh eiturte tulpui a ni a, lo nei an ni ber ang chu. Vaimim leh alu an ching nasa hle. An thlai chin leh enkawl dan te hi tunlai mite mak tih khawpin a fel fai a, awmze nei leh mumal takin a hmunhma te chu an duang a ni.
 |
| Family in traditional dress, Machu Picchu |
Machu Picchu khawpui hi a hunlai khan a chhunga chengte tih loh chuan an hre tam lo hle a. Kum 1527 khan ‘Zawnghri’ avangin khawpuia cheng zahve awm vel zet chu an thi a. Hemi avang hian he khawpui hi an rauhsan ti tih a. Tin, kum 1533 khan Spanish ten Cuzco Valley an lo thleng a, hemi hnu atang phei hi chuan ram ngaw chhah takin manin a tuam ta a ni.
He khawpui hi hi kum 1911 khan American ‘Archaeologist’ leh ‘Politician’ ni bawk, Hiram Bingham III chuan a hmuchhuak leh chauh a ni.
 |
| Hiram Bingham III |
Machu Picchu hi a hunlai chuan Inca hovin van lam chanchin an zirbingna hmunpui a ni a. ‘Intihuatana Stone’ an tih chu niina lei lai (Equator) zawn a kal pelh lai, lei puma chhun leh zan a inchen lai – ‘Equanox’ an tih hriattirtu leh entirtu a ni a. Tin, van lam chanchin leh hunchhiar nan tak pawha an hman rim tak a ni.
 |
| Intihuatana Stone |
March 21 leh Semtember 21 chhun lai takah ‘Intihuatana Stone’ chhip zawn tak chungah chuan ni a ding lurh a, ‘Intihuatana Stone’ chuan hlim a nei lova. Incas ho chuan hei hi an la urhsun hle a, ni chu ‘Intihuatana Stone’ chungah a thuin an ngai a. Hemi ni hian sakhaw serh leh sang nen he lung bulah hian hun an hmang thin.
No comments