 |
| H.T Sangliana |
Kum 36 chhung (1967-2003), Indian Police Service Officer ni a, ram leh mipuite rawng bawl a, dikna leh huaisenna nunpuitu “Super Cop” ti’a an sawi hial thin, H.C. Sangliana hi chanchin ngah tak a ni a, chung zinga tlem te chauh han tarlang ila.
1966 kumah Allahabad University hnuaia All India Services Pre-Examination Training Centre, Scheduled Caste leh Scheduled Tribe tana Central sorkarin a buaisaihah a kal ve a, hemi kum vek hian All India Civil Services Exam chu paltlangin Indian Police Service pek a ni a. Lal Bahadur Shastri National Academy of Administration, Mossourie-ah All Indai Service hrang hrang atana thlante chu a rualin thla 3 chhung Common Foundation Course zirin an awm a, an zawh hnuin IPS Officer-ten Training an neihna hmun, Natonal Police Academy, Rajasthan State, Hill Station hmingthang, Mt. Abu-ah a kal ve leh a ni.
1966 kumah Allahabad University hnuaia All India Services Pre-Examination Training Centre, Scheduled Caste leh Scheduled Tribe tana Central sorkarin a buaisaihah a kal ve a, hemi kum vek hian All India Civil Services Exam chu paltlangin Indian Police Service pek a ni a. Lal Bahadur Shastri National Academy of Administration, Mossourie-ah All Indai Service hrang hrang atana thlante chu a rualin thla 3 chhung Common Foundation Course zirin an awm a, an zawh hnuin IPS Officer-ten Training an neihna hmun, Natonal Police Academy, Rajasthan State, Hill Station hmingthang, Mt. Abu-ah a kal ve leh a ni.
Sawi tawh angin 1967-ah IPS Officer a ni a, 1.7.2003-ah a pension a, a pension atanga kum khat pawh a ral hma hauhin 14th Lok Sabha-ah Bengaluru North Parliamentary Constituency-ah BJP ticket-in MP-ah thlan tlin a ni. Chumi hnu 2008 kum ah 15th Lok Sabha inthlanah Bengaluru Central Constituency tharah Congress Candidate in a ding leh a. Mahse, chhan eng eng emaw avangin a tling zo tawh lo thung. 15th December, 2009 atanga 14th December, 2012 thleng, National Commission for Minorities-ah Vice Chairperson a ni a, Minister of State Rank-in Central Sorkar-in a dah leh a ni. Tin, ‘Committee On North-East Concern’ tih, Union Home Ministry dinah Member a ni a, Enquiry chu july 7, 2014-ah zovin India sorkar kutah report a theh lut a, a report hi ‘Bezbaruah Committee Report’ tih a ni.
1989-90 chho velah Police Officer a nih laia a tawn hriat (Experience) hrang hrang, mawhphurhna leh dinhmun chi hrang hrang a lo chelh tawh tea a thil tih dan mite hnena la khawmin, Karnataka State tawng Kannada-in an siam hial a. A Film hming atan pawh, ‘Superintendent of Police SANGLIANA/SP SANGLIANA’ tih hman a ni. He film hi a hit em em a, ni 100 aia tam thlak miah lova Cinema Hall tam taka chhuah zawm a ni a, tun thlengin thla tin vawi hnih vawi thum tal Local TV Channel hrang hrangah chhuah thin a ni.
Tin, Kannada, Tamil leh Hindi tawngin a Serial zawnga siam tum a ni a, buaipui chhoh mek a ni, tiin amah Sangliana hian a sawi.
Sangliana hi Aizawl, Kulikawnah a piang a, a pa hi Circle Interprener a ni. Sialsuk Middle School-ah pawl 4 a zova, Suangpuilawn khuaa Aided Middle School, pawl 5 a zir leh a, pawl 6 hi Vaitin khuaa Private Middle School atangin a pass leh a ni. Pawl 7 leh 8 hi Imphal Bengali High School-ah a zo va, pawl 9 leh 10 chu Sielmat Christian High School atangin a pass a. College hi Union Christian College, Barapani, Shillong-ah PUC zovin, St, Edmund’s College, Shillong-ah B.A. Hons (Economics) zirin top 10 a inhlangkai pha a, 8 a ni.
(Extracted from HT SANGLIANA, KA CHANCHIN (AN AUTOBIOGRAPHY OF SUPER COP)
No comments