December 18, 2017, thawhtan zing hma takah Serchhip panin Siaha atangin ka chhuak a. Christmas leh kumthar hmang tura kal ka ni. Serchhip-a college ka kal laiin, pu Lianhriama, pi Zakungi nuta-pa te in ah ka awm thin a. Ani hi ka pa te lam atanga inchhung kan ni a, a fapa te nen phei chuan unau anga awm satliah mai lovin thian ang maiin kan inkawm thin. Kan inpawh hle a ni. 2010 chho vel atangin an hnenah ka awm chauh nangin ka tleirawl chhuah tirh hi an hotel siam lai a ni a, an inah hian chaw ka ei fo tawh thin. Tichuan, 2010 ah an hnenah ka insuan ta nge nge a, kum khat tha awm vel ka awm hnuin college hostel lamah ka insawn leh a. Mahse, hostel leh an in hi ka kar tawn a ni ber. Tichuan, ka college kal chu kum hnih chauh ka tluan thei a, ka ban san ta a. Hei hi ka nerve that loh vang a ni a, ka zeng ti tih a ni ber.
Ka che tha hlei thei lova, ka thu te hi ka ding leh thei tawh thin lova, inbual leh zun ram thiar te pawh ka harsat em em a. Hetih lai hian an kiangah ka la khawsa a, engkimah min tul pui thin. In entir a tulin min paw kual lawp lawp a, zun ram thiarah leh ka inbualna chenin min buaipuiin min bawihsawm thin. Ei leh in lamah tan min lak sak a, min tuituah na sa em em a. Chuti khawp chuan min enkawl tha a, min ngaivenin min duat hle a. An hnena ka awm lai hian ka dam thei mai si lova, kan khaw lamah ka chhungten min la ta nge nge a.
Kawng engkimah - sum leh pai, thawmhnaw leh ka mamawh ang hi chu min pe reng thin a, min ngaihven tha thin khawpin ka hria. Tun thleng pawhin a ni.
A hnuaia Ads hi min lo click sak ve hram dawn nia. I vawikhat click khan pawisa in min tanpui tihna a ni a. Midangte tana malsawmna ni turin han click teh le.
Tichuan, kan khaw lamah ka in enkawl dam ta a, Serchhip-ah chuan ka awm zui leh ta lova. Mahse, christmas hi Serchhip-ah ka hmang ngun ber thung a, kan khua ai tak pawhin ka hmang zing zawk awm e. Christmas hmang tura min lo chah ve thin avang te pawh a ni ang, ka kal fova. 2017 Christmas pawh hi Serchhip lama hmang tura min lo chah avang bawkin ka phei phah a ni.
Zing hma takah kan chhuak a, passenger kan tam lova. A hma tlarah pakhat, a lai lenah mi pahnih nge pathum ka chiang ta lo, an chuang a. A hnung tlarah keimah chauhin ka ni thung. Kawng a tha lo nen ka insawh sil-awng lo chauh a. Dar nga rik dawnah Thenzawl khua kan thleng a, Thenzawl atangin Serchhip chho hi dar nga-ah a awm a, chutah chuan ka chuang leh a. Dar sarih bawr velah Serchhip chu ka thleng a. Serchhip chho maxi cab-ah hian keimah chiah passenger ka awm a, kawng a thui tham tawh lo bawk a, a nuam letling phian!
2009 kum hian ka pu nupui, ka pi Ruati chu a boral a. A thih champha hmang tura kal pawh ka ni hrim hrim bawk. Tin, hmundang atang pawhin an tu leh fa te leh laina hnaite an lo zin ve bawk a. Mikhual kan tam ang reng khawp mai! Kei hi ka thleng hmasa ber a, tichuan indawt chho zutin an lo thleng ve zut zut mai a ni.
Ka pu te hian huan tha zet mai an nei a, Serchhip leh Thenzawl inkarah a awm a, Zuangleng tiin chulai hmun chu an sawi. Lakhuihthei an ching teuh a, tam tham zet mai a ni. Rubber kung eng emaw zah a ding bawk a, sangha dil lian tawk tak a awm bawk. Christmas leh kumthar inkarah picnic angin kan kal a, a hlimawm hle. Ka pu nau, pu Siamtea nen len kan deng dun a, kei chuan pakhat chauh ka man a. A lian zual chauh man tur an tih avangin ka man ve chhun pawh chu ka chhuah leh a, ka ui ang reng hle. Len den hrim hrim hi ka thiam vak lova, a kawnghmang leh a kalhmang ka hre ve chauh a, duh angin ka nghawk arh thei lo. Pu Siamtea erawhin a thiam ngang mai a, sangha dil atanga kan chhuah hnuin len pho tura thlam tuala a han theh phei chu circle hi a ni ringawt mai!
A hnuaia Ads hi min lo click sak ve hram dawn nia. I vawikhat click khan pawisa in min tanpui tihna a ni a. Midangte tana malsawmna ni turin han click teh le.
 |
| Thlalatu; Bainawki |
Ka piah fe a lo lang ve det det saw pu Siamtea chu a ni. A tirah tak chuan a fapa, Lalhmuna nen an deng dun a, thlam lamla tih tur tul ka tih fel hnuin dilah chuan ka zu kal ve a. Lalhmuna pawh chuan a deng tlauh tlauh a, ani pawhin pakhat chiah a man ve a. Ka man nen a intiah tlang vel awm e. Tichuan a len chu chhuhin ka deng ve ta a ni.
 |
| Thlalatu; Bainawki |
 |
| Thlalatu; Bainawki |
Picnic tih takah kan ri chel chul hlawm a, lakhuihthei hmunah te chuan thla kan la a. A kal kan thahnem ang reng a, tlailam chaw ei hma chuan mahni seh seh mual hranah kan ti a, kan darh pheng phung hlawm a. Hmeichhe thenkhatin thlam lamah ei rawng an bawl a, kut a tam avangin a then chuan thlalak buaipuiin huan an fang kual bawk. Keini pawh unau hovin thla kan han la ve a, kan thiam ang tawka in pose in kan hmet de ve zawk zawk a.
Tichuan kan duh ang thala kan vah kual hnuin chaw ei a lo hun a, hlui hnihah siamin changel kan phah a. Kan sangha man leh kan sa ken te chu kan chhawp hnur a, tlai leh puar takin ka ei a. Rama chaw ei hi a tui duh bik a, chawhmeh a awm lem lo pawhin puar takin kan ei thei tho thin. Chawhmeh a lo that leh zel te phei chuan dul hmul khat phuarin a ei theih. Keini ho chu a pa hlang leh thalai tih takah, kan ei hnem ngang mai a, kan bar tawn tawn a.
Chaw kan han ei zova, kim takin thla i la teh ang u, an ti a. Tichuan, kan inhawrkhawm a, thla chu kan la a.
Tichuan hlim takin kan haw leh ta a.
Serchhip-a christmas ka hman apiang hian ka pu te lawina kohhranah ruai ka theh mai thin a. Hemi tum pawh hian ka theh ve leh chhap a. A hmun hma te an lo ti danglam tawh a, thutthleng leh dawhkan te chu an rem teuh a, a hahdam thlak hle a ni. Tin, an kohhran hian hemi tum hi chuan christmas aiin kumthar ruai an siam tui zawkin ka hria. Christmas-a ruai kan theh tum hian vawksa min suah tha vak lova, ka lung ni lo ru hle a. Mahse, ka ei teuh tho! Christmas ruai hi hmun khatah kan thu ho lova, thlalak kan nei lo.
A hnuaia Ads hi min lo click sak ve hram dawn nia. I vawikhat click khan pawisa in min tanpui tihna a ni a. Midangte tana malsawmna ni turin han click teh le.
Kumthar ruaitheh hi ka phur lo khawp a, kal loh ka duh hial zawk a. Mahse, chhungte thu hnial ngam hek lo le, phur vak lo chungin ka kal ve a. Mahse, a nuam phian Mai! Sa min suah that tawh vang te pawh a ni mai thei! He mi tum hi chuan hmunkhatah kan thu ho thei a, thla te pawh kan la ve thei ta a. Kan hlim tlang ang reng phian.
Kum te a han thar takah chuan, khual khaw lama an tu leh fa te leh lam hnai lo zin ve te chu an haw ta tuk tuk a. Kan kiam chak hle a. Inkhawmpui te pawh kan ang lek lek mai! Chutia an han haw phuk phuk takah chuan han haw ve nghal mai chu tha dawnin ka hre lova. Hlim taka kan rik bung bung laia thawklehkhata han til tiak leh thut chu ka pu te tan tak pawh a khawharthlak leh zual dawna ka hriat avangin, keimah chauh chu ka cham bang ta a. Kei tak pawh chu an han haw rem vek takah chuan, lungleng ve hialin ka inhria a.
Tichuan, ka cham ta ngar ngar a. Huanah chuan kan feh leh zeuh zeuh thin a, lakhuihthei lo tur leh tui kawng en turin kan kal ber thin.
Chutia cham reng chu a theih si lova, January 16, 2018, nilaithawhtanah ka haw ve ta chauh a ni.
No comments