HMANGCHÂNG

Tûn țum chu sekrek thil leh hmangchâng lam han ziâk mâwihnâi ve dâwn teh ang.

Kan chêt vêl leh khawi lo kalna ah tihpalh thilthû in kan thawmhnaw ilo fahranah mawm, țhelrêt leh tuiêk dang kan lo ti kâi ve fo țhîn a, chûng chuan reh thei lo siamin; kan thawmhnaw duhlâi ngawih ngawih te chu a chhiât tak tak hmâ leh a lo hlui hmâ hauhin ui tak chungin kan hluihhlâwn leh mai țhin a ni.

Hêng harsatna lak ațang hian awlsam leh ho lam tê si, sum sên ngâi hauh si lo leh mahnî in chhûnglum ngeia kan kawl sî te hman țangkâi thiâmna hmangin kan lo invêngin, kan pumpelh thei a ni.

A hmasa berin thawmhnâw-a mombati kâi tihfâi dân:

Thawmhnâw-a mombati a far chuân lehkhapuân chhe chî deuh eg. chanchinbu leh blotting paper ang chî te hî a chung leh hnuâiah dah a, istiri sâ in nawh mai tûr a ni. Lehkhapuan khân mawm a hîp tawn a, sûkfai leh mai tur.

Theihai hnâi thawmhnâw-a a kai palhin tuia chiah ngawt lovin, nisâ-ah pho vat zâwk tur. Nisâ in a rawng a rawn tih danglam hnûah sûkfai chauh tur.

Thawmhnâw-a țhelret (chewing gum) kai hi sawisak a buaithlâk duh țhin takzet. Mahse awlsamtê in a tihfâi theih tho a ni. 

Chewing gum kâi thawmhnâw chu hmun vâwtah, a theih chuan refrigerator-ah dah phawt la, chewing gum chu a lo khal mai dâwn a, awlsam tê in a kheuh thlâk mai theih tawh a ni.

Thir tuiêk kâi ve thungah erawh chuan ser thur tui thlawr a, chî phul lehin nisâah pho leh mai tur.

Rawng hrang hrang kâi nuaih, a bîkin a sen leh lehkhabu dum ang chi ah ve thung chuan tomato tui thlawr hi a tha phian. A kâi laiah chuan tomato tuiin hrûk vak a, dârkâr khat vel chiah a suk leh mai tur a ni.

Heng zawng chauh hi ni rih mai rawh se. I țangkai pui ngei ka beisei.