Purdue University ami Timothy Zwier-a leh a ho ten ultraviolet radiation in thlai nitina ni do thin te tan an DNA-ah chhiatna a thlen thei niin an sawi a. Chu chuan thlai than dan tibuaiin, a ti bahlah thei a ni an ti.
Biochemical tests atanga a lan danin thlai ten molecules special tak an nei a, chu chu an pawn lam tuamtu (outer layer) ah pe chhuakin, an hnah (leaves) te a venghim (protect) thin a ni. Chu molecules chu sinapate esters tiin an vuah. Sinapate esters hian ultraviolet-B radiation in thlai hnah (leaves) a lut tur a veng a ni.
Sinapate esters hi venghimtu molecules a ni tih chung changah hian researchers te ngaihdan lakkhawmna zawng zawngah chiang leh fiah fai taka hriatna a la awm lova. UV rays chu engtiang takin nge a lo dawn sawn tih tuman an la hmu chhuak lo a ni. Zwier-a team te chuan chu thil chu hriat chianga, finfiah an tum ta a ni.
Researcher te chuan molecules chu gas nen hmun khatah an dah a, UVB radiation chuan an chhun a. Chuta an hmuh chhuah chu sinapate ester thlaiin UVB radiation atanga invenhimna atana a hman hi, UVB radiation wavelength chiahhuh/zawp (soaking) theihna a lo pai a ni an ti. Radiation chiah zawp theihna mak tak chuan thlai tan chhiatna lak ata a venghim ta thin a ni. He molecules hi thlai tan sun block tha tak a ni.
No comments