Y chromosome (a lem pawl) hi X chromosome (a lem hring) aiin a te fe a. Genes pawh a nei tlem hle reng, mahse he thil tlak chham avang hian mipa tan harsatna lian tham tak a thlen thei a ni.Mipa blood cells-ah he chromosome tlak chham emaw tlak hniamna a awm a nih chuan, chung mi te tan chuan cancer veina chance a sang hle. Tin, dam chhung hun a ti tawi thei niin mi thiam ten an sawi.
Chromosome hi han sawi deuh zawr zawr i la. Gametes an tih a awm a, mipa leh hmeichhe sex cell a ni. Pian hmang leh ze inthlahchhawnna (hereditary) thila hna thawk tu pakhat a ni. Cell insem darhna a lo awm in, la zai ang maia thil lo in siam a awm a. Chu chu chromosomes an ti.
1902 khan, Sutton-a leh Boveri-a chuan chromosome chungchangah hian theory an rawn duang nghe nghe.
Chromosomes hi proteins leh nucleic acids atanga insiam a ni ve leh a. Nucleic acids hi chi hnih a awm a; DNA (deoxyribonucleic acid) leh RNA (ribonucleic acid) te a ni.
Nunna nei inthlah chhawnna (Genetics) leh pian leh zia inthlahchhawnna (Heredity) a pawimawh ber chu Gene hi a ni. DNA atanga insiam a ni a, Protein-a duang a ni bawk. DNA molecules chi khat; metabolism atan leh thilnung ruangam indinna atana hnathawktu neucleotides te inrem khawm niin Chromosome-a awm a ni.
Chromosome pakhatin genes sang chuang a nei a. Chung genes te chu covalent bonding hmanga tlar indawt awmze neia inrem an ni.
Nu leh pa te nungchang, mizia leh ruangam te hi an fa te ah a inhlan chhawn theih a. Genes kan tih (segment of DNA) chromosome a awm, avang khan a ni.
No comments