18.05.2014 (Chawlhni Chawhnu)
Fahrah riangvai chanhaite run ah school naupangte nen hun hmanna kan nei a. School naupang kan hruaite hian an neih ang tawk theuh thawh khawmin thilpek an pe bawk a. An chhun thingpui hmeh tur kan ken sak bawk a ni. Nuam kan ti tlang khawp mai. He hunah hian ka nunhlui tam tak ka han hre chhuak hial nghe nghe.
Fahrah nun hreawm tur zia hi a takin pawh pha chiah lo mah ila, nu leh pa bula seilian ta lo chu; engemaw chen ka hre thiam pha ve in ka hria. Huaisenna leh inrintawkna neih a harsa thin hle a, kan chanvo leh dikna ngei pawh inthlahrunna leh inkiltawihna avangin kan chan fo. Dam chhung khawsak harsatna hi puitling nih hma hauhin kan tawk a. Lungngaih ni lo thlen in mal takin kan tuar tlawk tlawk mai thin. Inhnemna leh tluk luhna tur awm ve hek lo i.
Ka nunah tak phei hi chuan nu leh pa la nei tho mah ila, ka naupan lai hun tam zawk an hnenah ka hmang lova. Din hmun in a zir loh em avangin, ka nu leh pa te hi awmhmun nghet nei thei lovin an pem kual reng a. Zir thiamna min duhsak thu hlaah midang bulah min dah ta ngawt a ni.
Ka awmna te hi chuti taka chhung lam hnai tak erawh kan ni hranpa lo. Chutah hostel-ah hun tam zawk ka hmang leh ta nghal a. Kum khatah tum hnih chawlh kan nei a, kan chawlh chhung hun pum hi thla thum vel a ni. Summer leh winter vacation a ni a, summer chawlh hi thla hnih a ni a, winter chawlh ve thung hi chu thla khat chhung chauh a ni.
School ka kal chhung hian ka pi ka ti mai, a hming Zakungi a ni a, a fapa hi kan zirtirtu a ni nghe nghe. Chumi bulah chuan ka khawsa a, min duat thin khawp mai. Ka in ang maiin ka ngai a, engah mah inthlahrunna ka nei ngai lo. Thawmhnaw lam thlengin min ngaihtuah sak thin. Kum 6 vel an hnenah ka khawsa hman a ni.
College zawm ka hun chho ve a, hetih hunah erawh tuna ka pi ka tih mek nau mipa ka pu ka tih ve thungte bulah ka insawn a. Inhmuh thiam lohna vang erawh a ni lo. Rem channa vang zawk a ni. An ni pawh hian min duat khawp mai, awm dan te pawh ka thiamlo lek lek zawk thin. En hran ka ni ngai lova, engkimah min thlauhthla ngai lo. Ka duh zawng leh mamawh chu ka pu nupui, pi Ruati chuan min ngaihtuah sak thin a. Hmanchawp pawisa min pe nitin thin.
School leh College hun ka hman chhung hian ka nu leh pa te ka tlawh lo hrim hrim. Hun harsa ka tawnin inbun ruahna leh thlamuanpui tur ka haih-chham thin hle.
Ka awmna chhungte lahin min duat poh leh inthlahrunna a na ting si. Mimal harsatna ka tawhin ka sawi ngam thin si hek lo, mahni rem hriatna ang angin chinfel a lo ngai thin a. Sulhnu a mam duh lo thin hle.
Rin ngam tur hi ka hre lo a ni ber mai. Tumah hi ka ring thei lova, keipawh ka inring tawk chuang lo. Mi pawi sawite hi ka hlau ngawih ngawih thin. Mi han tih thinur phei chu ka ngaihtuah ngai lo hrim hrim. Mahse, khawvel a ni miau a, kan duh danin hun a kal miau si lova, mi han tih thinur leh an pawi sawi chan pawh ka dawih luatah ka tawng lo thei bik lo. Chuti ang hunah takte chuan ka tlawm bik vawng vawng thin hian ka hria. Mimal thilah pawh ni se, midang an lo inrawlh ve zel a. An vua leh vang ten min tim nek tawh mai thin a, chan chhe zawk ka ni leh nge nge thin.
Ka nun kawng chhuk chho ah hian harsatna tam tak ka tawk ve a. Tun hun thleng pawh hian harsatna chimawm hian min la kalsan duh lo a nih dawn hi.
Fahrah riangvai chanhaite run ah school naupangte nen hun hmanna kan nei a. School naupang kan hruaite hian an neih ang tawk theuh thawh khawmin thilpek an pe bawk a. An chhun thingpui hmeh tur kan ken sak bawk a ni. Nuam kan ti tlang khawp mai. He hunah hian ka nunhlui tam tak ka han hre chhuak hial nghe nghe.
Fahrah nun hreawm tur zia hi a takin pawh pha chiah lo mah ila, nu leh pa bula seilian ta lo chu; engemaw chen ka hre thiam pha ve in ka hria. Huaisenna leh inrintawkna neih a harsa thin hle a, kan chanvo leh dikna ngei pawh inthlahrunna leh inkiltawihna avangin kan chan fo. Dam chhung khawsak harsatna hi puitling nih hma hauhin kan tawk a. Lungngaih ni lo thlen in mal takin kan tuar tlawk tlawk mai thin. Inhnemna leh tluk luhna tur awm ve hek lo i.
Ka nunah tak phei hi chuan nu leh pa la nei tho mah ila, ka naupan lai hun tam zawk an hnenah ka hmang lova. Din hmun in a zir loh em avangin, ka nu leh pa te hi awmhmun nghet nei thei lovin an pem kual reng a. Zir thiamna min duhsak thu hlaah midang bulah min dah ta ngawt a ni.
Ka awmna te hi chuti taka chhung lam hnai tak erawh kan ni hranpa lo. Chutah hostel-ah hun tam zawk ka hmang leh ta nghal a. Kum khatah tum hnih chawlh kan nei a, kan chawlh chhung hun pum hi thla thum vel a ni. Summer leh winter vacation a ni a, summer chawlh hi thla hnih a ni a, winter chawlh ve thung hi chu thla khat chhung chauh a ni.
School ka kal chhung hian ka pi ka ti mai, a hming Zakungi a ni a, a fapa hi kan zirtirtu a ni nghe nghe. Chumi bulah chuan ka khawsa a, min duat thin khawp mai. Ka in ang maiin ka ngai a, engah mah inthlahrunna ka nei ngai lo. Thawmhnaw lam thlengin min ngaihtuah sak thin. Kum 6 vel an hnenah ka khawsa hman a ni.
College zawm ka hun chho ve a, hetih hunah erawh tuna ka pi ka tih mek nau mipa ka pu ka tih ve thungte bulah ka insawn a. Inhmuh thiam lohna vang erawh a ni lo. Rem channa vang zawk a ni. An ni pawh hian min duat khawp mai, awm dan te pawh ka thiamlo lek lek zawk thin. En hran ka ni ngai lova, engkimah min thlauhthla ngai lo. Ka duh zawng leh mamawh chu ka pu nupui, pi Ruati chuan min ngaihtuah sak thin a. Hmanchawp pawisa min pe nitin thin.
School leh College hun ka hman chhung hian ka nu leh pa te ka tlawh lo hrim hrim. Hun harsa ka tawnin inbun ruahna leh thlamuanpui tur ka haih-chham thin hle.
Ka awmna chhungte lahin min duat poh leh inthlahrunna a na ting si. Mimal harsatna ka tawhin ka sawi ngam thin si hek lo, mahni rem hriatna ang angin chinfel a lo ngai thin a. Sulhnu a mam duh lo thin hle.
Rin ngam tur hi ka hre lo a ni ber mai. Tumah hi ka ring thei lova, keipawh ka inring tawk chuang lo. Mi pawi sawite hi ka hlau ngawih ngawih thin. Mi han tih thinur phei chu ka ngaihtuah ngai lo hrim hrim. Mahse, khawvel a ni miau a, kan duh danin hun a kal miau si lova, mi han tih thinur leh an pawi sawi chan pawh ka dawih luatah ka tawng lo thei bik lo. Chuti ang hunah takte chuan ka tlawm bik vawng vawng thin hian ka hria. Mimal thilah pawh ni se, midang an lo inrawlh ve zel a. An vua leh vang ten min tim nek tawh mai thin a, chan chhe zawk ka ni leh nge nge thin.
Ka nun kawng chhuk chho ah hian harsatna tam tak ka tawk ve a. Tun hun thleng pawh hian harsatna chimawm hian min la kalsan duh lo a nih dawn hi.
No comments