Guitar perh hi ka nuam tih zawng tak mai a ni ve a, ka ngaina ve hle a. Thiam tak phei zawng ka ni hauh lova, ka hla duhzawng erawh ka perh mil ve thei mai.
Private School-a ka in hlawh ve thin laiin neih thing lung khawng tak meuhin Electric Guitar ka la ve a, to tak erawh a ni lo. Mahse ka kawl rei lo khawp mai!
Pawl sawm pakhat kan nih kumin Manipur lam mi hi kan school-ah Chemistry Teacher atan an lo post a. Mi chut lam tak mai hi a ni a, a khawsak phung chu a hrechiang tak tan lo chuan nel mai harsa tak a ni a. A chut rualin phut-khat tih tur ang chi hi a ni tel bawk a, a chetlak reng reng hi a vir vut vut a ni ber mai. Rin loh tak maiin guitar a lo thiam phian lawi a, computer lam pawh a hria in a thiam hle bawk. Computer instructor atan pawh ruat a ni hial a, a chhe siam lam thlengin a lo thiam zel mai a ni.
Kan school schedule-ah chuan tlai lam hi Game & Sport hun atan ruat a ni a. Naupangin kan duh duh kan ti mai a, infiam mi te an inkhel a, a duh an mu a, a duh an leng khaw thawng a. A thenin computer room an pan a, chutiang zelin music ngaina ten music room an pan mai thin. Kei chu infiam mi lo tih takah kan dorm chhak tlangah guitar ka perh mai mai thin.
Tlai khat chu chutia kan dorm chhaka guitar ka perh mai mai lai chuan kan chemistry teacher chu ka bulah a lo lang hlawl mai a. Guitar chu perh min dil a, ka pe mai a. A thiam vak pawh ka ring hran lo, mahse an khawih ta tak tak mai chu a lo thiam kher mai! Rock Music-in ka nun a run lai hun a ni bawk nen, ka en uluk khawp mai a, ka hla duh deuh ho chu ka hrilh ta hlawm a, a lo perh thiam deuh vek bawk. Perh mil ringawt pawh ni lovin a solo velte nen chuan a lo thiam zel mai leh tanghal a. Min barakhaih chiang ngeih mai! Uluk, ngaihnawm leh hmuhnawm ti bawk siin ka thlir ta dauh dauh mai a ni. Chuta tang chuan a ni guitar a thiam zia ka hriat tak ni.
Chumi ni atang chuan tlai tin deuh thaw hi a lo kal ve ta ziah a, thian ten a thiam zia an lo hre ve tawh bawk nen, kan din hual luih a, kan en ta luai luai mai thin a ni. Chutia tlai tin a lo kal takah chuan, eng eng emaw min hrilhin min zirtir ve thin a, kan phurin nuam ka ti thei thin hle. In peih phawt chuan ka zirtir ve dawn che'u nia a ti bawk a. Sunday zingah hian a in kan pan ta ziah mai a ni.
A ina kan kal hmasak ber ni chuan inah a lo awm lo va, a thawmhnaw ilo vel su in a kawmthlang lamah a lo awm zawk a. Kan zuk pawh lui ta tho a. Chu mi tuk chuan sweet child o'mine GNR hla introduction lai kha min zirtir a. A tir chuan kutin a man lo khawp mai. Chaw ei hma zawng thian ho in kan zir ta tlut tlut a, a nuam ve duh khawp mai.
Kan tih kan tih takah chuan ni dangah pawh hla dang solo lai te kan zawt zel a min hrilh ve zel thin bawk a. Tin guitar tab chhiar/en dan te min zirtir a kan thiam chho ve zel a. A changin kan hla duh tab kan zawh thinte chu question paper hlui hnung lamah hian a print a min pe mai thin bawk. Mahse chutiang chu a theih reng bik loh avang leh kan tihbuai thin em avangin keimahniin kan in zawn chawp ve thin ta zawk a.
Paper print vel chu zirlai thil a nih loh chuan zirtirtu ten an phal loh avangin; computer class-ah hian ka note bu hnung lamah hian ka hla duh tab chu ka ziak mai zel a. Ka thil khawma duh khawp ngah a har thin khawp mai. Guitar ka ngaina hrim hrim bawk a, ka tab neih ho chu ka zir taima thin hle.
Keimah ina ka in zirthiam hmasak ber chu To be with you Mr. Big hla solo guitar kha a ni a. Tin, Hotel California te kan zir chho a ka thiam chak ve khawp mai. Kan sir nen chuan Hotel california guitar solo velte chu kan hit chho vel thin a a nuam thei hle.
Mi hmaah ka zai ngai miah lo va, zai thiam pawh ka ni hek lo. Mahse vawikhat chu kan thiannu function-ah lam tura ka duh em avangin ka zai ve tawp tawh. "I zai phawt chuan ka lam ang" a tih miau avangin. Chuta ka hla sak chu Greenday hla Macys day Parade kha a ni. Ka thianpa nen pawh ka perhkhuang zaitin thiam tih hla kha zai tura min request tlat avangin kan sikul naupang zawng zawng hmaah kan sa tawh bawk.
Thian ho hi chuan kan zai fo thin. Sweet Child O'mine te kha kan sa uar a, Guitar ka chan tum chuan ka thiam dan dan in ka zut ve vak vak mai zel. Saigon Kick, Skidrow, Tribal Power band ho te hla hi kan sa nasa ve thin bawk.
College kan rap chho ve a, week-ah beat contest a awm chho tan a. Thian tharte ka chhar chho ve zel bawk a. Kan thian chharte nen chuan kan tui zawng a lo in ang phian mai a. Beat Contest-ah chuan tel kan duh tlang hlawm a. Tel thei tur awm leh a tuizual kha pathum kan ni a, a zai turah kan buai ta. Kan buai ru ang reng viaua zai thei tur awm kan zawng ru char char a. A tawpah kan class ami hmeichhia kan hmu hlauh maia kan lawm khawp mai.
Tichuan, kan Jam ta tlauh tlauh a kan hla sak tur atan Paramore hla Ignorance kan thlang bawk a, kan phur tlang hlawm khawp mai. Kan band hmingah chuan kan vocalist phuah Rachis tih kan hmang a ni.
Beat Contest ni chu a lo thleng ta. Mipui hmaa kan vawikhat perform na tur a nih vek hlawm avangin kan zam ru hle thung. Kan zai hun chu a thleng ve ta ngei a, kan band chu stage-ah min ko ta a. Zam hmel pu lo hram tura kan inthunun avangin confi hmel takin stage chu kan pan a, mipui lam pawh chuan min lo lawm thiam kher mai! Stage ah chuan mipui hmachhawnin kan ding teu mai a. Mahse, kan vanduai hle thung. Sound lam chiangkuang loh avangin kan perform thei nghal mai tlat lo.
Zam ruk tawh sa nak laiin Sound lam buaipui chuan minute tam fe hun kan hmang a, mipui hmaah minute tam fe zai hma hawtin kan ding tlawn zuar ringawt a nih chu; a zahthlak duh khawp mai. Tichuan Sound chu a rawn pangngai ta a, keini pawh chuan zai tan kan tum ta a, mahse, kan han tan dawn chiah a, chhe leh tlat mai! Tiang chuan, a awm a awm ta a, men ngaihna pawh a awm tawh lo. A tawpa tawpah a rawn tha leh hlawl a, kan tan thei ta hlauh mai. Mahse kan vanduaina a kaltluang kher mai ka guitar line kha kan zai laklawh laiin a chiang lo leh ta tlat mai a, a ri a chhuak thei lo tluk hial a ni. Mahse, han tawp leh mai kha a inthlahrunawm tawh em avangin ka ti tawp duh ta lo a ni. Phuailuai takin kan tlingtla thei hram a, kan zai chhung zawngin ka guitar line chian loh avang chuan ka perh ri ka hre mang lo! Kan Drummer lahin a symbol a lo khawng chhe bawk. Kan zai zo kan chhuak chu kan zak tlang hle. Kan thian pakhatin a mobile-in kan zai lai a lo cover a, kan en leh mai chu tah a chhuak duh khawp mai.
Private School-a ka in hlawh ve thin laiin neih thing lung khawng tak meuhin Electric Guitar ka la ve a, to tak erawh a ni lo. Mahse ka kawl rei lo khawp mai!
Pawl sawm pakhat kan nih kumin Manipur lam mi hi kan school-ah Chemistry Teacher atan an lo post a. Mi chut lam tak mai hi a ni a, a khawsak phung chu a hrechiang tak tan lo chuan nel mai harsa tak a ni a. A chut rualin phut-khat tih tur ang chi hi a ni tel bawk a, a chetlak reng reng hi a vir vut vut a ni ber mai. Rin loh tak maiin guitar a lo thiam phian lawi a, computer lam pawh a hria in a thiam hle bawk. Computer instructor atan pawh ruat a ni hial a, a chhe siam lam thlengin a lo thiam zel mai a ni.
Kan school schedule-ah chuan tlai lam hi Game & Sport hun atan ruat a ni a. Naupangin kan duh duh kan ti mai a, infiam mi te an inkhel a, a duh an mu a, a duh an leng khaw thawng a. A thenin computer room an pan a, chutiang zelin music ngaina ten music room an pan mai thin. Kei chu infiam mi lo tih takah kan dorm chhak tlangah guitar ka perh mai mai thin.
Tlai khat chu chutia kan dorm chhaka guitar ka perh mai mai lai chuan kan chemistry teacher chu ka bulah a lo lang hlawl mai a. Guitar chu perh min dil a, ka pe mai a. A thiam vak pawh ka ring hran lo, mahse an khawih ta tak tak mai chu a lo thiam kher mai! Rock Music-in ka nun a run lai hun a ni bawk nen, ka en uluk khawp mai a, ka hla duh deuh ho chu ka hrilh ta hlawm a, a lo perh thiam deuh vek bawk. Perh mil ringawt pawh ni lovin a solo velte nen chuan a lo thiam zel mai leh tanghal a. Min barakhaih chiang ngeih mai! Uluk, ngaihnawm leh hmuhnawm ti bawk siin ka thlir ta dauh dauh mai a ni. Chuta tang chuan a ni guitar a thiam zia ka hriat tak ni.
Chumi ni atang chuan tlai tin deuh thaw hi a lo kal ve ta ziah a, thian ten a thiam zia an lo hre ve tawh bawk nen, kan din hual luih a, kan en ta luai luai mai thin a ni. Chutia tlai tin a lo kal takah chuan, eng eng emaw min hrilhin min zirtir ve thin a, kan phurin nuam ka ti thei thin hle. In peih phawt chuan ka zirtir ve dawn che'u nia a ti bawk a. Sunday zingah hian a in kan pan ta ziah mai a ni.
A ina kan kal hmasak ber ni chuan inah a lo awm lo va, a thawmhnaw ilo vel su in a kawmthlang lamah a lo awm zawk a. Kan zuk pawh lui ta tho a. Chu mi tuk chuan sweet child o'mine GNR hla introduction lai kha min zirtir a. A tir chuan kutin a man lo khawp mai. Chaw ei hma zawng thian ho in kan zir ta tlut tlut a, a nuam ve duh khawp mai.
Kan tih kan tih takah chuan ni dangah pawh hla dang solo lai te kan zawt zel a min hrilh ve zel thin bawk a. Tin guitar tab chhiar/en dan te min zirtir a kan thiam chho ve zel a. A changin kan hla duh tab kan zawh thinte chu question paper hlui hnung lamah hian a print a min pe mai thin bawk. Mahse chutiang chu a theih reng bik loh avang leh kan tihbuai thin em avangin keimahniin kan in zawn chawp ve thin ta zawk a.
Paper print vel chu zirlai thil a nih loh chuan zirtirtu ten an phal loh avangin; computer class-ah hian ka note bu hnung lamah hian ka hla duh tab chu ka ziak mai zel a. Ka thil khawma duh khawp ngah a har thin khawp mai. Guitar ka ngaina hrim hrim bawk a, ka tab neih ho chu ka zir taima thin hle.
Keimah ina ka in zirthiam hmasak ber chu To be with you Mr. Big hla solo guitar kha a ni a. Tin, Hotel California te kan zir chho a ka thiam chak ve khawp mai. Kan sir nen chuan Hotel california guitar solo velte chu kan hit chho vel thin a a nuam thei hle.
Mi hmaah ka zai ngai miah lo va, zai thiam pawh ka ni hek lo. Mahse vawikhat chu kan thiannu function-ah lam tura ka duh em avangin ka zai ve tawp tawh. "I zai phawt chuan ka lam ang" a tih miau avangin. Chuta ka hla sak chu Greenday hla Macys day Parade kha a ni. Ka thianpa nen pawh ka perhkhuang zaitin thiam tih hla kha zai tura min request tlat avangin kan sikul naupang zawng zawng hmaah kan sa tawh bawk.
Thian ho hi chuan kan zai fo thin. Sweet Child O'mine te kha kan sa uar a, Guitar ka chan tum chuan ka thiam dan dan in ka zut ve vak vak mai zel. Saigon Kick, Skidrow, Tribal Power band ho te hla hi kan sa nasa ve thin bawk.
College kan rap chho ve a, week-ah beat contest a awm chho tan a. Thian tharte ka chhar chho ve zel bawk a. Kan thian chharte nen chuan kan tui zawng a lo in ang phian mai a. Beat Contest-ah chuan tel kan duh tlang hlawm a. Tel thei tur awm leh a tuizual kha pathum kan ni a, a zai turah kan buai ta. Kan buai ru ang reng viaua zai thei tur awm kan zawng ru char char a. A tawpah kan class ami hmeichhia kan hmu hlauh maia kan lawm khawp mai.
Tichuan, kan Jam ta tlauh tlauh a kan hla sak tur atan Paramore hla Ignorance kan thlang bawk a, kan phur tlang hlawm khawp mai. Kan band hmingah chuan kan vocalist phuah Rachis tih kan hmang a ni.
Beat Contest ni chu a lo thleng ta. Mipui hmaa kan vawikhat perform na tur a nih vek hlawm avangin kan zam ru hle thung. Kan zai hun chu a thleng ve ta ngei a, kan band chu stage-ah min ko ta a. Zam hmel pu lo hram tura kan inthunun avangin confi hmel takin stage chu kan pan a, mipui lam pawh chuan min lo lawm thiam kher mai! Stage ah chuan mipui hmachhawnin kan ding teu mai a. Mahse, kan vanduai hle thung. Sound lam chiangkuang loh avangin kan perform thei nghal mai tlat lo.
Zam ruk tawh sa nak laiin Sound lam buaipui chuan minute tam fe hun kan hmang a, mipui hmaah minute tam fe zai hma hawtin kan ding tlawn zuar ringawt a nih chu; a zahthlak duh khawp mai. Tichuan Sound chu a rawn pangngai ta a, keini pawh chuan zai tan kan tum ta a, mahse, kan han tan dawn chiah a, chhe leh tlat mai! Tiang chuan, a awm a awm ta a, men ngaihna pawh a awm tawh lo. A tawpa tawpah a rawn tha leh hlawl a, kan tan thei ta hlauh mai. Mahse kan vanduaina a kaltluang kher mai ka guitar line kha kan zai laklawh laiin a chiang lo leh ta tlat mai a, a ri a chhuak thei lo tluk hial a ni. Mahse, han tawp leh mai kha a inthlahrunawm tawh em avangin ka ti tawp duh ta lo a ni. Phuailuai takin kan tlingtla thei hram a, kan zai chhung zawngin ka guitar line chian loh avang chuan ka perh ri ka hre mang lo! Kan Drummer lahin a symbol a lo khawng chhe bawk. Kan zai zo kan chhuak chu kan zak tlang hle. Kan thian pakhatin a mobile-in kan zai lai a lo cover a, kan en leh mai chu tah a chhuak duh khawp mai.
No comments