South African mi, damdawi thiam, Canada rama cheng thin, a damlo enkawl lai leh, a nupui fanu bik pawngsualtu ni bawk, Dr. John Schneeberger chu kum rei tak chhung a DNA siam chawp, a taksa chhunga a phum ruk chuan a thubuai atangin a chhanhim reng mai.
Early Life:
John Schneeberger hi Zambia-ah kum 1961 khan a piang a. Stellenbosh University, South Africa-ah Medical a zo a. Kum 1987 ah Canada-ah a pem a, Kipling khua-ah inbeng belin Kipling Medical Center a hawng nghe nghe. Kum 1993 ah Canadian Citizenship pek a ni a, nuthlawi fanu pahnih nei tawh, Lisa Dillman chu nupui atan a nei.
Rape Case:
1992 October ni 31 zan chuan a damlo enkawl lai, kum 23 mi Candice chu a pawngsual a. Hriatna tibuai thei damdawi hmangin a hrai rui hmasa phawt a, a pawngsual ta a. Mahse, a pawngsualnu chuan vanneihthlak takin a chunga thilthleng chu a hre tlat mai a. Police-te hnenah a thil tawn chu a thlen ta vek a. Schneeberger-a chu Police-ten an man ta thuai a. Mahse, hmeichhe taksa atanga an lak, mipa chi leh Dr. Schneeberger-a thisen Sample chu a in mil lo ta tlat mai a. An chhuah zalen leh ta ringawt mai a ni.
1993 chuan Candice-i lungawi thei thlawt lo chuan Test nei leh turin ngenna a siam a, Test chu an nei leh ta ngei a. Mahse, a hma ami ang chiah chu Result a ni a, a hlawhchham leh tho a ni. A kum leh 1994 chuan Case chu an ti tawp ta ringawt mai a ni.
Candice-i chu a beidawng duh mai lova, Dr Schneeberger chhui turin Private Detective, Larry O'Brien a ruai ta a. Larry O'Brien chuan a chhui ru ta char char a. Schneeberger-a Car chu a awm loh hlanin a enchhin ta a. DNA Sample tur atan thisen them chhe te a hmu fuh ta hlauh mai a. Chu chu Candice in pawngsual a tawh laia a kekawr haka mipa chi kai nen chuan an Test-na ah a in mil ta thlap a. Official taka Test neih leh a ni a, mahse thuneitute lam chuan thisen Sample chu Evidence atana hmang tur em chuan a te thamin han enchian atan chuan a tlak tawh loh a ni an ti leh tlat mai a. Kawng a ping a ni ringawt tawh mai a, zalen takin Dr Schneeberger chu a khawsa leh thei a.
1997 kum chuan Lisa Schneeberger-i chuan a pasal Schneeberber an a fanu, a pasal hmasa laka a fa chu a khuaikhem thin tih a hre chhuak ve leh ta tlat mai le. Police-te hnenah zualko in thil thleng chu a hrilh ta vek a. Tichuan a vawi 4 na atan DNA test nei leh tura koh a ni leh ta ngei a. Tah chuan Sample atan a thisen, chil leh samte lak a ni a. Chung Sample pathum te leh pawngsual-te taksa a mipa chi chu a inmil ta thlap a ni.
Mipat hmeichhiatna hmang khaw lo, damdawi hmang dik lo te leh mihring dikna palzut, zahlo tihte a buaina siam sak a ni a, kum 6 chhung tang tura hrem a ni ta a ni.
A nupuiin a then a, College of Physicians and Surgeons of Saskatchewan chuan, Schneeberger-a Medical Licence an hlilh sak bawk a. Kum li a tan hnuin intiamkamna eng eng emaw siamin 2003 khan Jail atanga chhuah a ni a. Canadian Citizenship a neih chu hlih/ chhuhsak niin 2004 kumah Canada atanga hnawh chhuah a ni bawk a, South Africa-ah let lehin a nu bulah a khawsa ta ani.
1999 kuma Test vawi 4 an neiha an man chhuah tak si ah khan, Engtianga DNA Test an neih hmasak lam atanga him zel thei nge a nih tih chu zawh a ni a, a inpuang ta a. A ban chhungah Pendrose Drain an tih mai, 15 cm chu phum ru in, Pendrose drain chhungah chuan midang thisen a thun a. Test an neih lai zawng khan Laboratory Technician-te kha bumin a Tube phum ruk ami thisen hlir chu a lo lak tir thin a ni.
In Media:
He case behchhan hian film siam nual a ni a chung te chu:
I Accuse Canadian, tihah a ni a, Forensic Files episode ('Bad Blood') ah a ni bawk a. Tin, Law & Order: Special Victims Unit tih a, a season episode ngana "Serendipity" ah chan a ni leh a, Japanese Drama Kiina ah episode khatna ah chan a ni bawk a ni.
No comments